Bahaghari Champion Award naangkon ni Atty. Regal Oliva

CEBU, Philippines —  Gipasidunggan si Mandaue City Treasurer Atty Regal Oliva tungod sa iyang adbokasiya ug gugma sa pagpadayag alang sa pagpanalipod sa katungod sa mga sakop sa LGBTQ plus community. Naangkon ni Atty Oliva ang Bahaghari Champion Award sa Philippine Financial Industry Pride.

Ang Philippine Bahaghari Awards nakadayeg sa hiyas ni Atty. Regal Oliva sa iyang kapasidad sa pribado nga kinabuhi ug isip usa ka government employee.

Si Atty Oliva maoy labing unang transgender woman nga napili isip Presidente sa Cebu Lady Lawyers Association. Siya usab ang National Director ug Chairman sa Gender & Equality Committee sa Integrated Bar of the Philippines.

Gihimo niya ang pagtabang sa komunidad pinaagi sa paghimo og mga outreach program.

Iyang gihatagan og paglaum ang mga under-privileged nga mga sakop sa LGBTQ+ community. (BANAT NEWS)