PRO-7: Pagsaulog sa Semana Santa generally peaceful

CEBU,  Philippines — Gihulagway sa Police Regional Office-7 nga generally peaceful ang pagsaulog sa Holy Week karong tuiga diin dako og natabang ang epektibong security deployment plans ug strategic initiatives.

Nagtuo ang PRO-7 nga ang ilang strategic initiatives sa pag-establisar og police assistance desks, pag-intensify sa anti-criminality campaign, posting sa safety tips diha sa social media, pagbalik sa basics ingon man dedikasyon sa pag-serbisyo nga naka-smile ang best practices nga ilang giimplementar.

Nakatabang usab ang hugot nga pag-monitor ug supervise ni PRO-7 Director Police Brigadier General Anthony Aberin sa iyahang mga tawo gikan sa pagpangangam hangtud na sa Semana Santa.

Gidayeg usab ni Aberin ang iyahang mga sakop nga able, active ug allied police forces, solid partners gikan sa ubang law enforcement agencies ug komunidad sa pag-compliment sa efforts sa paghatag og maximum security sa Central Visayas.

“I  can see that in every significant accomplishments of PRO-7 comes a  stimulation that drives to a future of community with full of active Bystanderships with quick and effective response intervention practices for a safer and more peaceful region”, matud ni Aberin.

Ang Cebu City Police Office sa ilang bahin nagkanayon nga ang gipangandaman nila karon mao ang pagbalik sa mga nagbakasyon gikan sa nagkadaiyang probinsiya sa Siyudad sa Sugbo. (BANAT NEWS)