Lapu-Lapu Expressway sugdan karong Marso
CEBU, Philippines — Gilauman nga masugdan na sa buwan sa Marso niining tuiga ang kaugmaran sa gitinguhang proyekto nga Lapu-Lapu Expressway nga nagkantidad og P24.8 bilyones.
Suma pa ni Mayor Junard "Ahong" Chan nga ang ila karong gihimo mao ang pagpasabot sa mga molopyo nga maapektohan sa maong proyekto.
Hinuon dili kaayo daghan nga mga molopyo ang maapektuhan apan tinguha nila nga hapsay ang pagpatuman niini.
Sa nasayran nalangan ang pagpatuman sa proyekto tungod sa pagtuki sa mga sakop sa konseho diin kadaghanan dili kaalyado ni Mayor Chan.
Ang LLEX project nga gitawag usab og skyway maoy mosumpay sa dalan sa Cebu Cordova Expressway nga adto magsubay sa Baragay Gabi sa Lungsod sa Cordova paingon sa Mactan Cebu International Airport.
Ang katuyoan niini mao ang pagsulbad sa kahuot sa mga sakyanan nga mopaingon sa maong dakbayan ug gilauman nga mahuman kini sa tuig 2025. (BANATNEWS)
- Latest
