Opisyales sa barangay gipaubos Barangay Justice System training

CEBU, Philippines — Ang paghingusog sa papel sa Barangay Justice System maoy nag-unang tumong sa training nga nag-ulohan og “Capacitating Community Stakeholders: Cebu City Lupong Tagapamayapa” nga gipahigayon sa niaging adlaw.

Gipangulohan kini sa  Cebu City Justice Zone nga gilangkuban sa  Cebu City Police Office, Department of the Interior and Local Government - Cebu City, Supreme Court ug  Department of Justice uban sa pag-abag sa kagamhanan sa Siyudad sa Sugbo.

Base sa taho sa DILG-Cebu City nitambong sa maong training ang mga miyembro sa Lupong Tagapamayapa, Punong Barangay, Sanggunian Barangay Member ug chairperson sa peace and order.

Pipila sa speakers sa training nga adunay nagkalain-laing topic mao sila si Cebu City Regional Trial Court Executive Judge Marlon Jay Moneva alang sa The Necessity and Proper Implementation of KP Law; DILG Cebu City OIC- City Director Neila Aquino alang sa Lupong Tagapamayapa Incentives Awards; Cebu City Chief Prosecutor Fiscal Liceria Rabillas kinsa maoy ni-discuss sa Refresher on VAWC Cases; Assistant Prosecutor Maria Luisa Ratilla alang sa Refresher on GAD Matters and Diversion Program for CICL; Assistant Prosecutor Fiscal Maria Theresa Casiño alang sa Barangay Training on Community Service Act; ug  Police Lieutanant Colonel Maria Theresa Macatangay alang sa  Establishing a Referral System between CCPO and Barangay Lupons. Si Cebu City Mayor Michael Rama kinsa dinapit usab sa maong kalihokan nanawagan ngadto sa mga nanambong nga tabangan siya sa pagkab-ot sa tinguha niini nga masusama sa Singapore ang Dakbayan sa Sugbo.

Matud ni Rama nga maangkon ang maong tinguha pinaagi sa pagdisiplina sa kaugalingon ilabi na sa pagtuman sa mga lagda sa kagamhanan. BDB (BANATNEWS)