Pamilya ni Gullas mobakasyon, Bucao molingkod isip mayor
CEBU, Philippines — Molingkod sud sa lima ka adlaw isip mayor sa Dakbayan sa Talisay si Bise Mayor Alan Bucao sugod karong adlawa.
Kini human si Mayor Gerald Anthony “Samsam” Gullas niduso og leave of absence samtang siya mopahuway uban ang iyang pamilya.
Si Gullas nipirma sa memorandum sa pagtudlo ni Bucao nga mao una ang magmayor sa dakbayan sud sa lima ka adlaw samtang siya mopahuway una.
Matud pa niya nga sila sa iyang pamilya mobakasyon gawas sa nasud ug mobalik siya sa trabaho karong Hunyo 14 ning tuiga.
Una niini, si Gullas ug Bucao maoy nagtigi sa Mayo 9 nga piniliay sa pagkamayor sa Siyudad sa Talisay.
Daghan ang intriga atol sa piniliay apan si Gullas maoy nigawas nga mananaog human nakakuha sa makabungog nga botos nga niabot sa 90 mil kapin ug kulang.— IBM (BANATNEWS)
- Latest
