Mayor Peña moatubang kun pasakaan og kaso kalabot sa isyu sa bugas
CEBU, Philippines — Andam moatubang ang mayor sa lungsod sa Minglanilla kung siya pasakaan og reklamo labot sa isyu sa bugas nga ilang gipanghatag.
Si mayor Elanito Peña nitataw nga gigamit lang sa pamolitika ang bugas sa ilang kaatbang.
Una niini, adunay mga tawo nga nipadayag sa ilang reklamo sa nadawat nga bugas tungod kay kini baho ug di makaya nga makaon.
Ang bugas gihatag sa lokal nga kagamhanan isip ayuda human niigo ang bagyong Odette.
Nitumaw sab ang isyu labot sa presyo sa matag sako sa bugas nga tag P2, 500.
Matud pa ni Mayor Peña nga tinarong ang ilang serbisyo ug siya nagkanayon nga kung naa man gani isyu labot niana unta ang Commission on Audit (COA) na mismo ang motawag sa ilang atensyon.
“Transparent kaayo ta. Nakadawat man gani ta og award nga seal of good governance,” asoy pa ni Peña.
Dugang pa niya nga iyang dawaton ang reklamo sa saktong lugar aron siya makatubag og tarong sa gipahid nga isyu batok sa iyang administrasyon. —MEL (BANATNEWS)
- Latest
