Building sa eskuylahan gamitong isolation facility
CEBU, Philippines — Padayong gamiton isip quarantine facility ang usa ka building sa Talisay City Central School sumala pa ni Alvin Santillana, pangu sa City Disaster Risk Reduction and Management Office (CDRRMO).
Matud pa niya nga bisan pa og magsugod na ang klase sa pampublikong tunghaan sunod semana gamiton gihapon nila aron maoy pabutangan sa mga first generation contact sa mga nagpositibo sa Covid-19 ang maong building.
Hinuon gwardyado sila ug dili makapaduol sa ubang mga tawo ilabi na sa mga estudyante kung pananglitan mag limited face to face class man.
Niuyon ang DepEd niini ubos sa kondisyon nga gwardiyado gyud ug dili maduolan og laing tawo ang maong building aron dili sila makapanakod sa mga himsog. Sa pagkakaron, aduna pay 38 nga naka isolate sa maong edipisyo samtang pito ang naa sab gibutang sa Lagtang Techvoc.
Dugang pa ni Santillana nga kanunay sab sila nga magpahigayon og disinfection aron mapugngan ang virus.— IBM (BANATNEWS)
- Latest
