Taxi driver sikop sa buy-bust operation
CEBU, Philippines — Nasikop ang usa ka taxi drayber human nag-sideline og pamaligya og ilegal nga drugas diha sa Dakbayan sa Talisay.
Si Brian Obina, hingkod ang panuigon nasikop pinaagi sa buy-bust operation tungod kay samtang namasahero namaligya usab kini og illegal nga drugas.
Nailhan nga street level pusher si Obina ug nakuhaan og 15 ka gagmay nga pakite sa gituhuang shabu.
Ang kapulisan nakakuha sa pangalan sa dinakpaan gikan ra usab sa una nilang mga nadakpan. Si Obina gibalhug na sa bilangguan ug gipasakaan og kaso. —MEL (BANATNEWS)
- Latest