Klase buksan sa Sept. 13
Cebu, Philippines — Mas sayo nga magsugod ang klase sa mga publikong tunghaan karong tuiga kun itandi sa miaging tuiga human nga giuyonan ni Presidente Rodrigo Roa Duterte ang rekomendasyon ni Education Secretary Leonor Briones nga magbukas ang klase karong Septiyembre 13, 2021.
Samtang ang mga pribadong tunghaan ug kadtong dili ubos sa DepEd mahimong magsugod og sayo.
Apan ang mga pribadong tunghaan kinahanglang moduso og mga dokumentong gipangayo ubos sa DepEd Order no.13 S.2020 ug DepEd order no.17 s.2020 sa mga regional director aron pagsusi sa ilang kaandam magbukas sa klase. “We thank the President for his full support to the delivery of quality basic education for the incoming school year,” pamahayag pa sa DepEd.
Sa pagkakaron wala pay pagtugot nga makapahigayon og limitadong face-to-face classes bisan sa mga “low-risk” nga mga lugar o kadtong menus kaayo og kaso sa Covid-19.
Tungod niini magpadayon ang kasamtangang distance learning nga gihimo sa miaging tuig. (BANAT NEWS)
- Latest
