Enrollment sa online courses sa DMDP gibuksan na

CEBU, Philippines — Nagsugod na og panawat ang Department of Manpower Development and Placement (DMDP) sa Siyudad sa Sugbo sa mga interesadong mo-enroll sa third quarter online vocational courses . Ang mga kurso nga gitanyag  mao ang Culinary Arts, Food and Beverage Services, Housekeeping, Computer Literacy, Computer System Servicing, Static Web Design, Plumbing, Hilot/Massage, Security Services, Refrigeration  and Air conditioning ug Dressmaking.

Nasayran nga bisan panahon sa pandemya, gipaneguro sa kagamhanan nga magpadayon ang mga programa sa DMDP nga maghatag og dalan sa pagkab-ot og panginabuhian sa higayon nga mahuman na ang ilang pag-eskwela.

Giumol ang online courses aron maseguro nga luwas ang ilang mga estudyante.

Nasayran nga ubay-ubay na ang natabangan sa DMDP ug kasagaran niini nakatrabaho sa gawas sa nasud. “Happy learning sa mga mosalmot, hinaot nga magamit ninyo ang makat-onang skillset sa inyong negosyo o pagpanarbaho puhon,” suma pa sa FB post sa naka-on leave nga si Mayor Edgardo Labella. (BANATNEWS)