Gwardiya gipusil patay

CEBU, Philippines — Usa ka security guard ang patay human kini gipusil sa wala mailhing mamumuno diha sa atubangan sa usa ka establisamento nga iyang gibantayan sa Brgy. Yati sa lungsod sa Liloan.

Wala pa masayri sa kapulisan ang motibo sa pagpusil sa biktimang si Allan Sapote Gorres, 44,  gwardiya sa North Side Beacon sa maong dapit. 

Base sa impormasyon gikan sa Liloan Municipal Police Station walay nakakita sa sa hitabo. Usa ka  estambay ang nakakita sa biktima ug maoy nipahibalo sa kapolisan.

Padayon pa ang imbestigasyon sa maong kaso.— IBM (BANATNEWS)