3 sikop sa managlahi nga buy-bust operation

Cebu, Philippines — Dili mominos sa tulo ka mga tawo ang nasikop sa managlahi nga buy bust operation sa Labangon Police Station ug Waterfront Police Station, niadtong adlaw nga Miyerkules.

Nasikop sa gihimong operation sa waterfront police station mao si Rafael Cebuano, 18anyos, taga Barangay Ermita.

Nasakmit gikan sa dinakpan mao ang mga pinutos sa ginadili nga drugas ug lakip ang buy- bust money.

Samtang nasikop usab sa mga tinugyanan sa Labangon Police Station nga gipangulohan ni Deputy Chief Police Lt. Joel Dela Cerna uban sa mga sakopniini sila si Reulin Molado, 28 anyos, taga sitio Ukban, Barangay Buhisan ug Jennifer Madrid.

Nakuha gikan kanila ang pipila ka putos sa gituohang shabu ug lakip usab ang buy-bust money.

Nagtingkagol na kini sila sa bilangguan samtang gitakdang pasakaan ug tukmang kaso.(BANAT NEWS)