Sinas way pang-usbong polisiya sud sa PNP
CEBU, Philippines — Dili mohimo og bag-ong mga polisiya ang pangulo sa Philippine National Police (PNP) nga si Debold Sinas tungod kay gusto niyang ipadayon ang nasugdan na sa mga kanhi pangulo sa ilang organisasyon.
Atol sa press conference kaniadtong Sabado, Nobyembre 21, 2020, giklaro ni Sinas nga nagtuo siya nga gitun-an og maayo ang mga direktiba nga ilang gipasiugdahan.
“For continuity, kung anong polisiya na nandiyan na ay i-implement natin. I-implement natin at i-follow up at tuloy-tuloy. Kasi lahat naman ng direktiba natin ay napag-aralan na,” sigon niya.
Gibutyag niya ang lima ka mga programa nga iyang pahingusgan gikan tanan ni Presidente Rodrigo Duterte.
Kini mao ang kampanya kontra sa ilegal nga drugas, kontra-kuraspyon, kampanya kontra-terorismo, seguridad o kampanya sa insurgency, ug ilegal nga sugal.
Sumala pa niya, prayoridad ang kampanya batok sa ilegal nga drugas ug magpadayon ang internal cleansing diha sa PNP.
Sunod mao ang kontra kurapsyon ug magpadayon sila sa pagpatuman sa “No Take” policy. Kini tungod sa mga polis kaniadto nga nagdawatan og payola gikan sa mga sindikato sa illegal nga drugas , gambling lords, smuggling ug uban pang illegal nga mga negosyante.
Aron malikayan ang kurapsyon diha sa sud sa PNP direkta na ngadto sa police station level ang paghatag sa ilang pundong gamiton ug dili na moagi sa mga kamot sa ilang mga labaw pinaagi sa ATMs aron sila mismo ang mokuha sa ilang maintenance and other operating expenses (MOEE). Gusto sab ni Sinas nga magpadayon ang pakigtambayaong sa PNP sa mga local government units (LGUs). –IBM (BANATNEWS)
- Latest
