State of public health emergency

CEBU, Philippines – Giproklamar ni Presidente Rodrigo Duterte kagahapong adlawa ang Proclamation 922 nga nagbutang sa tibuok nasud sa state of public health emergency  tungod sa nagkagrabeng pagkatap sa novel coronavirus (COVID-19).

Kagahapong adlawa sab gipahibalo sa Department of Health nga dunay nadugang nga upat ka mga pasyenteng nakompirmar nga dunay COVID-19 hinungdan nga nahimo na karong 10 ang kompirmadong natakboyan niini.

Sa report sa Philstar.Com, sumala pa ni Health Secretary Francisco Duque III kompirmadong duna nay local transmissions sa COVID-19 o tinakdanay sa mga tawo sa maong virus bisan wala sukad makabiyahe sa mga nasud nga dunay mga kaso niini.

Magtinabangay

Nanawagan karon ang DOH Philippine National Police (PNP) ug sa ubang mga law enforcement agencies ug tanang ahensya sa gobiyerno nga motabang aron mapugngan ang pagkatap pa niini sa populasyon. Giawhag sab niya ang katawhan ug mga turista nga mosunod sa mga direktiba.

Tungod sa deklarasyon, mas mapangusgan pa sa DOH ang mobilisasyon sa mga kahimanan, pundo ug mapangusgan pa ang pag quarantine sa mga gikinahanglang ipaubos niini.

Tungod kay gibutang na sa code red ang alerto sa DOH, tanang sakop sa mga tambalanan gikinahanglang mobalik na sa mga tambalanan diin sila nadestino aron motabang. Ubos sa Republic Act 11332—the Mandatory Reporting of Notifiable Diseases and Health Events of Public Health Concern Act— kun dunay public health emergency nagpasabot kini nga dunay “occurrence of an imminent threat of an illness or health condition which could pose a high probability of a large number of deaths… widespread exposure to an infectious agent.” Sa pagkakaron, gidayeg sa World Health Organization (WHO) ang gihimo sa Pilipinas pagbantay sa

COVID-19. pangandam

Sumala pa sab ni Duque, pagbuot na unya sa mga local chief executives sa nagkadaiyang dapit kun suspensuhon ang mga klase. Tanang mga tambalanan nga Level 2 ug 3  kinahanglang magandam og triage areas sa ilang emergency rooms aron maghimo og COVID-19 testing ug kinahanglang atimanon dayon kadtong mga pasyenteng gisuspetsahan palang ug kompirmadong dunay sintomas. Kadto lang grabe maoy dad-on ngadto sa Research Institute for Tropical Medicine, San Lazaro Hospital ug Lung Center of the Philippines Ibutyag sab sa DOH ang pangalan sa mga tambalanan diin gidala ang mga pasyente aron mamenusan ang pagkatap sa mga fake news. Samtang mohangyo ang DOH og testing kits gikan sa China.

Daghan ang naayo

Giklaro hinuon ni Duque nga bisan natakboyan na og COVID-19 wala kini magpasabot nga mamatay na ang pasyente tungod kay 98 porsiyento sa mga nataptan niini sa tibuok kalibotan nangaayo ra man human maatiman sa mga tambalanan.  “Hospitals have infection prevention so there is no need to avoid going to these hospitals especially if you feel unwell,” pagdasig pa ni Duque sa katawhan. Ang country director sa World Health Organization nga si Dr. Rabindra Abeyasinghe miingon mapugngan pa ang pagkatap sa COVID-19 aron di mahimong global pandemic.

Di angay mabalaka

Giawhag niya ang publiko nga kun dunay gipamati nga parehas sa sintomas sa COVID-19, mas maayong di nalang mogawas sa panimalay ug modangop diretso sa tambalanan. “Unknowingly, still, the mode of transmission is respiratory droplets. So this is still a very limited distance within which the droplets may land on the surface. That could randomly transmit the virus. Kung mga casual na daanan, hindi dapat mag-alala. You don’t have to be alarmed,” matud pang Duque. IBM (BANAT NEWS)