Malasakit Lounge giandam sa LTO-7
CEBU, Philippines — Andam na ang Malasakit Lounge sa Land Transportation Office 7 nga kapasilongan sa mga pasahero sa higayon nga magsugwak kini sa Cebu South Bus Terminal niining panahon sa Pasko.
Matud ni LTO-7 Director Victor Caindec nga ang Malasakit Lounge magamit sa mga pasahero nga dili makasulod sa terminal.
Makig-alayon sila sa tourist bus company nga makagamit gihapon bisan dili mominus napulo ka mga bus alang sa libreng sakay nga mohatud sa mga pasahero gikan sa terminal padulong sa Starmall alang sa habagatan samtang ang laing biyahe gikan sa Plaza Independencia padulong sa Lungsod sa Consolacion.
Tinguha sa LTO nga makauli ang mga pasahero ilabi na sa ilang paghugop karong Disyembre 20 ug 21 sa pagpauli sa ilang tagsa-tagsa ka lugar.
Si Caindec nitug-an nga makig-alayon sila sa ubang law enforcement agency alang sa pagpatuman sa lagda sa kadalanan. (BANAT NEWS)
- Latest
