Sinulog board gikwestiyon ni Rama
CEBU, Philippines – Gikwestiyon ni Cebu City Vice Mayor Michael Rama ang executive order nga nagmugna sa Sinulog Governing Board tungod anaa na ang Sinulog Foundation, Inc. diin siya naglingkod isip chairman.
Si Rama makigkita sa mga sakop sa SFI nga nag-organisar sa Sinulog Festival sukad kaniadtong 1984. Matud ni Rama nga gipili siya nga chairman sa SFI apan wala siya konsulta sa pagmugna sa governing board sa pag-organisar sa Sinulog Festival.
Si Mayor Edgardo Labella ang niluwat sa executive order sa pagmugna sa Sinulog Governing Board.
Matud ni Rama nga ang tanan gahum sa governing board labot sa kalihukan sa Sinulog Festival kinahanglan nga ipatin-aw sa SFI ug sa executive department.
Sumala pa ni Rama nga ang ubos sa gimbuhaton, kinahanglan nga ang SFI mangayo na og pagtugot gikan sa Sinulog Governing Board.
Gipasabot ni Rama nga ang SFI gimugna aron adunay awtonomiya sa pag-organisar sa Sinulog Festival diin ang mayor mao ang honorary chairman sa executive committee.
Nasayran ni Rama nga ang komposisyon sa Sinulog Governing Board naglakip sa lima ka sakop sa SFI ug uban pa. (/GMR)(BANAT NEWS)
- Latest
