Gi-shot gun nibawos og panigbas
CEBU, Philippines – Usa ka lalaki ang naangol human kini unaya og pusil gamit ang pugakhang sa iyang kainom niadtong Miyerkules sa gabii diha sa Sitio Malbago, Barangay Luyang, Lungsod sa Carmen.
Ang biktima mao si Edgar Bernales, hingkod ang panuigon, nagpuyo sa maong dapit.
Ang suspetsado mao si Dominador Lucero, hingkod usab ang panuigon ug residente usab sa maong dapit.
Matud ni Police Corporal Ranel Olivar sa Carmen Police Station nga nag-inom si Bernales ug Lucero diha sa usa ka payag nga imnanan sa lugar nga gipanag-iya ni Florencio Bueno. Taliwala sa ilang panag-inom nagkalalisay ang duha ug giingong si Lucero nagkanayon nga “daghan na ra ba ko og napatay!”
Ang duha giingong gibadlong ni Bueno ug gipapauli kinsa si Lucero nipauli apan nibalik dayon kini diha sa imananan samtang si Bernales wala pa makalakaw .
Sa pagbalik ni Lucero giingong nagbitbit na kini sa iyang pugakhang ug dayong pusil niya kang Bernales sa walang paa niini. Si Bernales kinsa nagdala og sundang niadtong higayona nibawos kini og panigbas kang Lucero.
Si Lucero nakaangkon usab kini og mga samad tinigbasan sa lainlaing parti sa lawas. (/BDB)(BANAT NEWS)
- Latest
