Street level “pusher” sa Sambag 1 sikop

CEBU, Philippines — Dul-an sa P626 mil nga balor sa ilegal nga drugas ang nasakmit gikan sa 27-anyos nga babaye atol sa gipahigayon nga buybust operation sa Brgy. Sambag 1, Dakbayan sa Sugbo niadtong Sabado.
Ang nasikop naila nga si Debbie Ann Sabridosode, taga Sitio Tambisan, Brgy. Labangon kinsa giilang usa ka street level target ug wala malakip sa watchlist.
Gihimo ang maong operasyon sa Police Station 2 Drug Enforcement Unit nga gipangulohan ni Police Inspector Gomersendo Mandawe Nasakmit gikan sa dinakpan ang mga pinutos nga ginadiling drugas nga motimbang og 90 gramos nga mobalor og P625, 600 basi sa Dangerous Drug Board Value ug ang buy bust money.
Gipaubos sa pipila ka adlaw nga pagpaniid si Sabridosode, una natigayon ang buybust operation. Natigayon ang pagsusi sa binuhatan niini human makadawat og taho ang kapolisan. Ang kapolisan nag-andam na karon sa mga dokumento alang sa pagpasang-at og kaso nga kalapasan sa Sec 5 Article II of R.A 9165.
Ang dinakpan tak-om kini sa dihang gikuhaan og pamahayag. (BANAT NEWS)
- Latest















