40 ka barangay ipa-drug cleared

CEBU, Philippines — Dili momenus 40 ka mga barangay gikan sa nagkadaiyang lungsod ug dakbayan sa Lalawigan sa Sugbo ang girekomendar sa Cebu Provincial Anti-drug Abuse Office (CPADAO) nga mahimong drug cleared barangay.

Ang maong mga barangay gikan kini sa 123 ka mga barangay nga mi-apply ug pending ang drug clearing.

Matud ni Ivy Durano – Meca ang pangulo sa CPADAO nga una na nila nasusi ang 40 ka barangay niadtong miaging semana uban sa Philippine Drug Enforcment Agency (PDEA)

Asoy ni Meca nga dili tanan nga 123 nga pending ang girekomendar sa CPADAO nga drug cleared kay aduna pay mga drug personalities sa ubang barangay samtang ang uban aduna pay kulang sa rekisitios nga gikinahanglan sama na lang sa functionality sa ilang tagsa-tagsa ka Barangay Anti-drug Abuse Council (BADAC).

“During the regional oversight last week with PDEA we recommended 40 barangays, still subject for deliberation sa  technical working group (TWG) provincial level “ matud ni Meca.

Kini midugang nga ang TWG, mao ang labing una sa provincial level kini human nga mi-commit na ang Cebu Provincial Police Office (CPPO) alang sa drug clearing operation sa mga barangay.

“We had our first provincial TWG conference, then after sa meeting we were able to come up with the guidelines, for us to proceed with the drug clearing operation” dugang ni Meca.

Ang TWG, gilangkuban kini og sakop sa PNP, PDEA, Department of Health, DILG ug social welfare. Ang maong grupo mao ang mohimo sa on-site validation pagsusi kon ang kadtong mga barangay nga mi-apply aron mahimong drug cleared, nakapasar ba sa parameters nga giset aron mahimong drug cleared.

Apil sa tan-awon sa TWG, ang functionality sa BADAC, ang pundo niini, ang programa alang sa mga drug surrenders sama sa community based treatment program ug ang presensya sa drug personalities sa lugar. (/DILT)(BANATNEWS)