^

Banat Balita

Engkwentro sa Talisay

Camille Pateres, Gabriel Bonjoc - Banat

CEBU, Philippines — Wanted nakigpinusilay sa mga sakop sa Provincial Intelligence Branch (PIB) sa Cebu Provincial Police Office (CPPO) ug sa grupo nga nalambigit sa  ilegal nga drugas ug uban pang krimen nga nagtago sa bukirang Barangay sa Dakbayan sa Talisay kagahapon sa kaadlawon.

Si Sr. Insp. Alejandro Batobalonos sa PIB nagkanayon nga bitbit nila ang warrant of arrest batok nilang Jerome Labitad ug uyuan niini nga si Felix Abacajan sa kasong pagpamaligya og ginadiling drugas.

Matud pa ni Batobalonos sa miaging gabii pa sila naghupo-hupo sa lugar sa mga suspetsado human may nadawat silang report nga ang duha naa sa Campo 8, apan diay didto sa Campo 4  sila nagkaengkwentro.

Giingong dali kaayo nakabantay ang mga suspek tungod kay naa sa ibabaw ilang gitagoan ug diretsong nipaulan kanila’g bala.

Nilanat sa singko minutos ang pinusilay hangtud nga gituohan nilang naigo si Labitad.  Dihadiha nisibat ang mga suspek ug gibiyaan ang ilang duha ka M16 rifles ug mga bala.

“Lisud ang among posisyon mao ‘to nga nakahigayon gyud sila og sibat. Pero sa sitwasyon atong Labitad murag delikado iyang kahimtang,” sigon pa ni Batobalonos.

Si Labitad gitumbok nga notadong durugista lakip na ang iyang uyuan nga konsehal sa Barangay Maghaway nga giingong tawo sa niangkong druglord nga si Franz Sabalones nga nakaengkwentro nasab sa grupo sa PIB apan nakasibat sab kini.

Dugang pa ni Batobalonos nga aduna pay laing kuyog ang duha nga wala pa nila nailhan. Gawas pa niana, si Labitad gitumbok usab nga hitman sa mga politikong makabayad sa iyang presyo.

Apan ang hepe sa Talisay City Police Station nga si Police Supt. Marlu Conag miingon nga ilang gitan-aw ang posibilidad nga adunay kalambigitan sa pagpamanhig sa mayor sa San Fernando si Labitad.

Si Conag miingon nga base sa background ni Jerome Labitad, usa kini ka hitman sa mga politiko kaniadto.

“Yung reputation kasi nu’n ni Jerome Labitad is parating nakadikit sa mga politiko iyan before kasi hitman iyan. Sabackground ni Jerome di malayong mangyari yun,” si Conag nagkanayon.

Matud niya bisan didto sa Mindanao maabot didto sa Labitad aron pag-likidar sa gustong ipapatay kaniya.

Niadtong Enero 22 ning tuiga nahitabo ang pagbanhig sa grupo ni San Fernando Mayor Lakambini “Neneth” Reluya nga niresulta sa kamatayon sa iyang bana ug duha nil aka sakop  diha sa Barangay Linao, Dakbayan sa Talisay.

Si Labitad maoy gitumbok sa kapolisan nga tagiya sa mga sinakong mga armas nga nakuykoyan sa Barangay Campo 4, Dakbayan sa Talisay niadtong Disyembre 4, tuig 2018. Nakuha sa kapolisan ang 80 ka mga paltik nga kalibre .38 nga armas nga nahimutang 75 metros gikan sa abandonadong bodega ni Labitad.

Lakip si Labitad sa gisilbihan og search warrant sa kasong paghupot og illegal nga armas sa nakalabay nga mga One Time Big Time sugod pa niadtong tuig 2018 apan pirme kining makaipsot. (BANAT NEWS)

ILEGAL NGA DRUGAS

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with