Duha patay sa bangga
CEBU, Philippines — Duha ang namatay ug laing lima ang grabeng naangol sa panagbangga sa duha ka motorsiklo ug usa ka traysikol sa dalan national sa Sitio Calcal, Barangay Poblacion, Lungsod sa San Remigio sa miaging gabii.
Si Police Officer 2 Raino Inso sa San Remigio Police Station miila sa namatay nga mao ang drayber sa Honda nga motorsiklo nga si Roland Gomez Alboro, 33, taga Barangay Argawanon sa maong Lungsod.
Ang laing namatay mao si Franklin Gemina Nogra, 50, taga Barangay Poblacion sa mao gihapong lungsod nga backrider sa motorsiklo sa gikasungag ni Alboro.
Gikan sa Dakbayan sa Bogo si Alboro dihang gikasugat niini ang traysikol nga gimaneho ni Henrey Penoti Lequin, 25, nga dunay mga pasahero.
Ang laing motorsiklo nga gidala ni Edmar Sumanting Nita, 19, ug gisakyan ni Nogra mi-overtake unta apan nasungag niini ang pikas motor hinungdan sa karambola sa tulo ka sakyanan ug naangol ang ubang mga pasahero. (/IBM)(BANATNEWS)
- Latest
