81-anyos nabanggaan sa bus patay

CEBU, Philippines — Patay human nabanggaan ang usa ka lalaki sa Ceres bus sa may Linao-Lipata, Minglanilla niadtong Domingo sa alas 6:30 sa gabii. Ang biktima mao si Rogelio Gerasmio Adlawan, 81, taga Linao, Minglanilla.

Matud ni PO2 Jefferson Base nga ang bus gikan sa amihanan apan wala nakabantay ang drayber nga si Harrold Claro Carlos, 29, sa paglabang sa biktima sa pedestrian lane.

Daling gidala ang biktima sa Talisay District Hospital apan gideklarar nga patay na sa attending physician nga si Dr. Erwin Sanchez Managaytay. Anaa sa Minglanilla Police Station gibalhug ang drayber ug gikustodiya ang bus. - Rafols E. Gervacio, CNU Intern (BANAT NEWS)