Pundasyon sa CCMC gibuhusan na
CEBU, Philippines – Gisugdan na og buhos sa semento ang foundation sa Cebu City Medical Center (CCMC) nga gipangulohan ni Mayor Michael Rama, Bise Mayor Edgardo Labella, Konsehal Gerardo “Gerry” Carillo; City Engineer, Atty. Jose Mari Poblete ug ang tag-iya sa C.E Padilla Construction.
Matud ni Poblete nga malipayon sila sa paspas nga kalambuan sa pagtukod sa CCMC. Gilauman nga mahuman ang pagtukod sa phase 1 sa CCMC sunod tuig diin nalakip sa ila’ng kontrata nga mahuman ang una’ng bahin sulod sa 21 ka buwan.
Nagkantidad og P600 milyones ang una’ng bahin sa pagtukod sa CCMC ug P600 milyones usab sa pikas nga bahin.
Anaa na karon sa 10.47 porsiyento ang assessment sa development sa pagtukod sa CCMC base sa nakita ni Poblete.
Matud ni Rama nga wala na’y makapugong sa pagtukod sa tambalanan.
Mapasalamaton si Rama sa mga tawo nga nagpaluyo sama ni Atty. Rey Cris Panugaling, ang administrator sa CCMC. – /GMR) (BANAT NEWS)
- Latest
