Armado nakasibat, video karera machines nasakmit
CEBU, Philippines – Imbis armado’ng tawo nga nanghagis ang dakpon, duha ka video karera machines ang nakuha sa kapolisan sa dakbayan sa Talisay niadto’ng Domingo sa gabii sa sitio Rattan, barangay Tanke.
Ang mga awtoridad nga gipangulohan ni Insp. Windell Abellana ang nialarma ni Joni Mabanto nga armado hinungdan sa kahadlok sa mga tawo.
Pag-abot sa kapolisan, dali’ng nitago ang suspek sa usa sa panimaye.
Matud ni Abellana nga diha’ng gipalibutan na nila ang panimaye, nakaambak si Mabanto ug wala na igkita.
Diha’ng gisulod ang panimaye nakit-an sa mga awtoridad ang video karera ug ang shotgun nga gigamit sa suspek ug mao na lang ang ila’ng gidala sa presinto.
Gisusi karon kung si kinsa ang nanag-iya sa ilegal nga makina.
Nahimo’ng isyu ang karera machine human ang konseho nipasidungog sa kapolisan sa pagkasakmit sa usa ka makina apan laing konsehal ang nibabag sa pagpasar sa resolusyon tungod kay giingong kataw-anan nga usa ra ka makina ang nakuha. - /GMR) (BANAT NEWS)
- Latest
