Profiling sa CPDRC inmates gitinguha
CEBU, Philippines – Buot si Gobernador Hilario Davide III nga padayunon sa University of San Carlos ang ila’ng sugyot nga profiling system sa mga piniriso sa Cebu Provincial Detention and Rehabilitation Center (CPDRC).
Ang gobernador buot nga adunay mahimo’ng memorandum of agreement tali sa kagamhanan sa probinsiya ug USC kabahin sa programa.
Tumong niini ang pag-rationalize sa records sa inmates.
Ubos sa plano sa USC Community Extension Services ug sa faculty sa Computer Science sa unibersidad nga ang profiling system maglakip sa basic data kabahin sa inmate, nature sa nahimo niini’ng krimen, multa sa kalapasan, oras ug petsa sa hitabo, crime index in general, kinatibuk-ang population sa jail, court appearances, inmate’s visitor frequency, ug kung ang inmate overstaying ba kini o dili o angayan na ba kini’ng buhian.
Si Ronilo Olivar, faculty member, nagkanayun nga ang nahisgutang sugyot sa USC nagkinahanglan og expertise sa IT personnel aron ma-mintinar ang confidentiality ug ma-secure ang mga records.
Matud ni Olivar nga kung ang record mapaubos na sa digital dali na lang kaayo ang filing niini ug ang pag-research kompara sa manual.
Dugang ni Olivar nga ubos sa digital system, pwede na nga ma-share ang records ngadto sa mga relevant nga ahensiya sa gobiyerno sama sa Philippine National Police (PNP), National Police Commission (NAPOLCOM), Philippine Drug Enforcement Agency (PDEA) ug uban pa. - /GMR) (BANAT NEWS)
- Latest
