Dive instructor nalumos

CEBU, Philippines - Patay na nga nadagsa sa baybayon ang usa ka dive instructor nga gituohang nalumos gumikan sa kadagko sa balod sa dihang kini mi-dive sa kadagatan sa sitio Lawumtabay, barangay Paypay, lungsod sa Daanbantayan.

Ang nalumos patay mao si Al Bernard Coyoca, alyas Bangyao, 33, taga Villa Teresa, lungsod sa Cordova.

Matud pa ni Police Officer 3 Raymond Pepito, imbestigador sa Daanbantayan Police nga nahinabi sa Banat News nibisita sa iyang uyoan si Coyoca.

Sayo niadtong Miyerkules ni-dive si Coyoca suot ang iyang scuba gears apan wala kini nabalik  ug hapon na  nakit-an sa baybayon nga patay na.

Sumala pa ni Pepito dagko ang bawod niadtong panahona ug gituohang nagkaproblema kini sa sulog sa dagat maong nalumos.  (BANAT NEWS)