Uyoan gipatay sa pag-umangkon
CEBU, Philippines – Nalungag ang dughan sa 60-anyos nga ulitawo human gidunggab sa pag-umangkon nga 27-anyos sa sitio Anislag, Canlumampao, dakbayan sa Toledo. Giila ang biktima nga si Victoriano Basantan samtang ang gitumbok nga suspek mao si Jonard Basanta, ulitawo ug pareho’ng nagpuyo sa mao’ng lugar.
Matud ni Senior Police Officer 4 Praxilo Albiso nga padulong unta sa trabahoan ang biktima kinsa usa ka watchman sa construction barracks sa nahisgutang dapit.
Kalit kini’ng gisugat sa suspek nga nagdala og hait nga hinagiban ug sa wala’y daghang estorya gidunggab ang biktima sa dughan.
Nasayran nga daan na’ng aduna’y panagbangi ug kalagot ang suspek ngadto sa biktima.
Gidala sa Toledo City Hospital ang biktima apan gideklarar ni Dr. Arlene Perez nga patay na’ng nadangat sa tambalanan samtang dali’ng nisibat ang pag-umangkon nga suspek. – /GMR) (BANAT NEWS)
- Latest
