200th birthday ni Don Bosco gisaulog

CEBU, Philippines - Liboan ka layko nga Salesiano kauban ang mga Obispo ug kaparian ang nitambong sa Santos nga Misa subay sa ika-200 nga birth anniversary ni St. John Bosco sa Archdiocesan Shrine of Our Lady of Lourdes sa Punta Princesa, dakbayan sa Sugbo.

Si Bishop Patricio Buzon, SDB, sa Cabangcalan, Negros Occidental ang nidumala sa misa kuyog ang dili mominos 70 ka kaparian ug 200 ka choir sa Salesian family.

Atol sa misa giawhag ni Buzon ang Salesian family nga mobalik sa ila’ng commitment sa kabataan.

Matud pa ni Buzon nga dili maato sa tanang Salesian ang pagtabang sa kabataan ug nagkinahanglan kini og hiniusa nga pagtinabangay ilabi na sa mga karisma ni Don Bosco sa gasa sa pagtabang.

Dugang ni Buzon nga angay ibutang sa katawhan ug kabataan sa ila’ng kasing-kasing nga ang tinuod nga kalipay bugtong ang Ginoo ra gayud ang makahatag.

Samtang ang provincial superior sa FIS Province, Rev. Fr. Godofredo Atienza, atol sa iya’ng good night talk iya’ng gihimug-atan ang 3M's nga angayan tipigan nga mao ang Memories-teach us lesson, Message-to cipher relevant messages, Meaning-from the memories that inspire us.

Dugang ni Atienza ang daku nila nga kalihukan magbunga og kalipay, pakigsandurot, tinuoray nga magsasangyaw ug magtutudlo lakip usab ang pagka-misyonero sa tanang panahon.

Human sa Santos nga Misa gisunod ang prosesyon padulong sa Don Bosco School.  (BANAT NEWS)