Nanguyab sa uyab sa ex-con gipusil

CEBU, Philippines - Nilapos ang bala sa likod sa lawas sa 35-anyos nga lalaki human pusila sa laing uyab sa iya’ng hinigugma eskina dalan Climaco ug Panganiban, dakbayan sa Sugbo pasado alas 9 sa nakalabay nga gabii.

Ang biktima giila nga si Jobert Papellero, taga San Isidro, dakbayan sa Talisay samtang ang suspek giila nga si Luige Lucero, 23, taga barangay Pahina Central.

Matud ni Police Officer 3 Lou Pagara, imbestigador sa homicide section sa Cebu City       Police Office, nga ex-convict ug bag-o lang nakagawas ang suspek.

Sumala pa ni Pagara nga wala sila’y laing nakita nga anggulo kun dili ang kalagot sa suspek nga nauyab sa biktima ang iya’ng hinigugma samtang siya nabilanggo.

Dali pa unta nga gidala sa Cebu City Medical Center (CCMC) ang biktima apan nakabsan gyud sa iya’ng kinabuhi samtang padayun pa nga gipangita ang suspek.  (BANAT NEWS)