Gikan nanisko gipusil patay
CEBU, Philippines – Patay ang 19-anyos nga lalaki dihang kalit lang gipusil sa bukobuko samtang naglakaw pauli sa ilang panimalay gikan sa disco sa eskina Ouano Avenue, Looc, dakbayan sa Mandaue alas 3 pasado kagahapon sa kadlawon.
Si Police Officer 1 Melvin Pelayo sa Presinto 5 sa Mandaue City Police Office (MCPO) niila sa namatay nga si Jeniel Guiwanon, taga barangay Cambaro sa maong dakbayan.
Matud ni Pelayo nga kuyog ang ig-agaw nga lalaki sa biktima nga si Richard Flaviano nga nitambong og disco sa barangay Looc.
Diha’ng nahidangat na sa eskina nga bahin sa maong lugar, nitumaw ang wala hiilhing lalaki ug gitionan sila og armas.
Nag-iyahay og panagan ang mag-agaw apan diha’ng nilanug ang buto sa armas kalit lang nahagba sa karsada ang biktima.
Si Flaviano ang padayun sa pagdagan ug mao’y nagpahibawo sa mga ginikanan sa biktima.
Ang mga traysikol drayber nga nakakita sa biktima nga nahagba ang dali nga nidala sa biktima sa Mandaue City Hospital apan gideklarar nga dead on arrival. – /GMR) (BANAT NEWS)
- Latest
