Namatay sa Tacloban gidala na sa Luzon
CEBU, Philippines - Babayeng church worker nga aksidenteng natagakan sa damba sa speaker sa Santos nga Misa sa Santo Papa sa Tacloban City gidala na sa Villamor Air Base sa Pasay City luwan sa C-130 transport plane.
Gipahiluna ug gipamisahan sa Philippine Air Force ang lawas Kristel Mae Padasas,27, diha sa sud sa kapilya sa maong base militar nga giduyogan sa iyang mga ginikanan ug kabanay uban sa mga pamilya sa mga sundalo sumala pa sa report sa GMA News.tv.
Ang nagdala sa lawas ni Padasas mao si Juy Baculpo, nga iyang kauban sa Catholic Relief Services (CRS), ug si Fr. Amadeo Alvero, Palo Archdiocese' Social Communications director.
Ang C-130 plane mi-stopover una sa Benito Ebuen Air Base sa Mactan una pa milahos sa Villamor Air Base.
Si Padasas diha sa tungod sa speakers nga gipatong sa damba sa venue sa Santos nga Misa ni Pope Francis uban sa Yolanda survivors niadtong Sabado dihang natumbahan kini niini tungod sa kakusog sa hangin dala sa bagyong Amang.
Si Pope Francis misimpatiya sa nahitabo kang Padasas human miduaw kaniya ang amahan niini diha sa Apostolic Nunciature ug gihatagan kini og rosaryohan ug giampo ang namatay. Hinuon gidawat na sa amahan ang nahitabo sa anak ug kini miingon nga dunay kapuslanan ang kamatayon sa nag-inusara nilang anak.
Sumala pa nga gihatagan og hinabang pinansyal sa gobiyerno ang nailo nga ginikanan ni Padasas.
Ang mga kauban ni Padasas sa CRS miingon nga mingawon g’yud sila kaniya tungod sa pagkamalipayon niini.
“Her colleagues remember her as someone who loved to laugh and who was always ready to assist outside her normal duties.
She found great joy in being able to contribute to the recovery effort by working directly with communities and families,” matud pa sa pamahayag sa CRS, ang opisyal nga international humanitarian agency sa Catholic community.
Dad-on unya ang iyang lawas sa Taguig City. (BANAT NEWS)
- Latest
