Nanghulga sa RD sa DepEd-7 papangayoo’g pasaylo
CEBU, Philippines - Nanawagan ang direktor sa Police Regional Office-7, Chief Supt. Prudencio Tom Bañas, sa nihulga sa regional director sa Department of Education-7, Dr. Carmelita Dulangon, nga mangayo na lang og pasaylo tungod sa Pasko.
Si Dulangon nidangop sa PRO-7 human nakadawat og hulga pinaagi sa text message sa niaging semana.
“This is the season of joy, thanksgiving and blessing kaya dapat magpatawad. She (Dulangon) told me na humingi siya ng tawad over the media to whoever the person is. Nagkasala siya nang hindi sinasadya,” sigun pa ni Bañas.
Ang pagpanghulga naglambigit sa personal nga kasuko nga duna pa’y gibutang nga “RIP” o Rest In Peace ug duna sa’y cross. “May threat din doon especially sa end. There was a man or a woman na parang galit na galit sa kanya,” dugang pa ni Bañas. Nagduda si Bañas nga posibleng nadala lang sa emotion o kasuko ang nagpadala sa text ug nakahimo kini sa maong mensahe.
Ilang subayon ang nagpadala sa maong mensahe ug ila sab nga i-evaluate ang nadawat niini nga death threat aron ma-determinar kung angayan ba nga hatagan og police escort ang direktor sa DepEd-7.
Ila usab susihon ang mga lista sa mga opisyal sa maong departamento nga lagmit naapektohan sa mga pamaagi ni Dulangon.
“Mabait naman si Maam. Seguro may hindi napagbigyan. Hindi aabot sana sa ganyan. Trabaho lang talaga,” pasabot pa sa opisyal.
Usa sa gi-rekomendar ni Bañas nga dili molakaw si Dulangon nga mag-inusara ug mas maayo nga sa mga lugar nga daghang tawo ang angay niya nga bisitahon aron maminus-minusan ang hulga ug kakuyaw.
Si Dulangon gikatakdang moretiro na sa iyang trabaho sa umaabot nga pipila ka adlaw. (Jojo C. Ugdol/GMR)(BANAT NEWS)
- Latest
