Stub outs ibutang sa matag barangay

CEBU, Philippines - Gitinguha nga mabutangan og mga stub outs ang matag barangay sa dakbayan sa Sugbo aron magamit  sa panahon nga adunay sunog.

Ang mga barangay kapitan ang tahasan sa pag-atiman sa mga stub outs subay sa ordinansahon nga gikatakda nga ipasar sa konseho sa dakbayan sa Sugbo.

Uyon ang Cebu City Fire Department sa lakang kay mas madali ang ilang trabaho sa pagpawong sa sunog.

Gidili ang pag-operate sa mga stub outs nga wala’y pananghid sa barangay ug paggamit niini sa personal nga katuyoan.

Ang water utility firms usab nga magdumili sa paghatag og libreng tubig sa mga stub out multahan.

Ang ordinansahon tawgon og “The Stub Out Water Access Ordinance of the City of Cebu” nga gipangamahanan ni Konsehal Dave Tumulak.  (BANAT NEWS)