Rama may apelar sa Santo Papa

CEBU, Philippines - Niawhag si Cebu City Mayor Michael Rama nga i-apil sa lakaw sa Santo Papa ang Sugbo kay apil man nga naigo sa bagyong Yolanda.

Giawhag usab ni Rama ang mga bloggers, ang publiko ug labaw na ang mga taga media nga magbuhat og petisyon ngadto sa Vatican aron maapil sa itinerary sa pagbisita sa Santo Papa ang Sugbo.

Sayo niini si Cebu City Vice Mayor Edgardo Labella malaumon nga mausab ang hunahuna sa Santo Papa bisan pa gipagawas na ang itinerary diin wala naapil nga duawon ang Sugbo karong Enero 15 hangtud 19, 2015.

Matud ni Labella nga si Pope Francis nailhan na nga mag-usab-usab og kalit ang hunahuna ug magbuhat og mga lakaw nga wala sa plano.

Dugang ni Labella nga mangandam gihapon ang siyudad sa Sugbo basin mausab ang hunahuna sa Santo Papa ilabi na nga duol ra ang Sugbo ug ang Leyte nga maoy bisitahan sa Santo Papa. (BANAT NEWS)