2 wanted nangalag-kalag nadakpan

CEBU, Philippines – Duha ka wanted ang nadakpan sa kapolisan sa Borbon ug Consolacion human sila namauli aron unta managkot atol sa kalag-kalag.

Si Police Officer 1 John Paul Almero sa Borbon Police Station miila sa nadakpan nga  si Johnwario  Taneo, 29, taga Barangay Clavera sa maong lungsod  kinsa  nalutsan og warrant of arrest niadtong Oktubre 2009 sa kasong attempted homicide. Matud pa nga human sa krimen miikyas si Taneo apan mibalik aron unta managkot apan dunay nakapahibalo sa kapolisan hinungdan nga kini gidakop.

Samtang si Rodel Basilo, 34, taga Sitio Ubos, Barangay Tugbongan, Consolacion nadakpan sa kapolisan human miuli sa ilang panimalay aron gihapon managkot sa sam-ang.

Si Basilo nag-atubang og kasong Child Abuse ug nalutsan usab kini og warrant of arrest sa korte. Siya misibat human sa krimen hangtud nga napasaka ang kaso ug nalutsan kini og warrant. –/EIM) (BANAT NEWS)