Dalaga’ng pusher kaduha na nadakpi

CEBU, Philippines - Sa ikaduhang higayun nasikop ang 22-anyos nga dalaga nga gituohang drug pusher sa buy-bust operation sa kapolisan sa Baybay Uno, Poblacion, dakbayan sa Toledo.

Giila ang dinakpan nga si Wendy Castillano Pantallano, nagpuyo sa nahisgutang dapit.

Nakuha gikan sa suspek ang walo ka gagmay nga pakete sa gituohang shabu balor og P1,600 kun mabaligya sa tag P200 matag pakete.

Nasakmit usab ang usa ka coin pouch, P1,000 cash sa tag P100 nga gituohang kita sa nabaligya nga ilegal nga drugas ingon man ang P200 nga buy-bust money nga gigamit sa poseur buyer.

Nasayran nga kaduha na nadakpan sa paghupot og ginadili nga drugas ang suspek.  (BANAT NEWS)