Puy-anan sa libud-suroy gibuksan
CEBU, Philippines – May kapuy-an na ang mga libud-suroy nga kabataan sa dakbayan sa Mandaue human gibuksan ang P21 milyones nga edepisyo sa sitio Dunggoan, Basak. Ang pag-inagurar gipangulohan ni Mayor Jonas Cortes, Bise Mayor Glenn Bercede, mga konsehal ug mga barangay kapitan sa dakbayan.
Ang asawa sa mayor, Sarah Cortes, nga mao’y chairman sa Mandaue City Council for the Protection of Children (MCCPC), miingon nga daku kaayo ang iyang kahinangop nga nahatagan na og katumanan ang katukuran sa maong edepisyo nga kapuy-an sa kabataan nga napasagdan sa ilang ginikanan.
Matud ni Sarah nga ang buhatan sa City Social Welfare ug ang pribadong sektor nga Taga Mandaue Inc. daku usab og natampo sa katumanan sa maong edepisyo nga kapuy-an sa 60 ngadto sa 80 ka bata nga gitawag og children in conflict with the law. – /GMR) (BANAT NEWS)
- Latest
