Biseklita nabangga, 11-anyos patay
CEBU, Philippines - Patay ang usa ka 11-anyos nga lalaki human mabangga ang iyang biseklita sa punoan sa mahogany dihang naputol ang break samtang nagdulhog sa kurbadahong dalan sa dakbayan sa Danao sa miaging buntag.
Ang namatay naila nga si Carl Prieto, taga barangay Cambanay sa maong dakbayan.
Base sa imbestigasyon sa Danao City Traffic Office nasayran nga si Prieto nagbiseklita pasado alas 8 sa niaging buntag sa nahisgutang lugar dihang nahitabo ang aksidente.
Tungod sa kakusog sa impact sa pagkabangga sa gamay nga lawas sa bata, nakaangkon kini og grabeng kadaut sa iyang lawas samtang ang biseklita nalukot ug na-misalign ang manobela, tinidor, brake ug ang kaha niini tungod sa pagkabangga.
Gidala sa Rescue Team Danao Provincial Hospital apan gideklarar nga dead on arrival. (BANAT NEWS)
- Latest
