Piyansadong pusher nasikop na sab
CEBU, Philippines - Nadakpan sa ikaduhang higayun ang usa ka pusher sa Bagacay, Liloan sa niaging gabii ug mga pinaketeng shabu ang nasakmit.
Si SPO1 Bryan Batiquen sa Liloan Police Station miila sa nadakpan nga si Zosimo Aliño Ortega Jr., 20-anyos.
Ang hepe nga si Senior Inspector Ramil Morpos ang nangulo sa buy-bust operation human sa pipila ka adlaw nga pagpaniid.
Naglakip sa nasakmit sa kapolisan mao ang unom ka paketeng shabu, bust money nga P300 ug salapi nga P180 nga gituohang halin ug mga drugs paraphernalia.
Matud ni Batiquen nga nadakpan na kaniadto si Ortega sa pagpamaligya gihapon og shabu apan nakagawas human nakabutang og piyansa.
Nunot sa pagkasikop sa suspek sa ikaduhang higayun, giandam ang pagpasaka og kaso batok sa dinakpan sa kalapasan sa Comprehensive Dangerous Drug Act of 2002. (BANAT NEWS)
- Latest
