P300 mil nga shabu sakmit sa 2 ka operasyon
CEBU, Philippines - Duha ka lalaki nga gidudahang pushers ang nasikop sa kapolisan sa dakbayan sa Sugbo ug nakuhaan og kapin sa P300 mil nga balor sa drugas atol sa managlahing operasyon sa City Intelligence Branch (CIB) ug City Anti-Illegal Drugs Special Operations Task Group (CAIDSOTG) niadtong Huwebes.
Ang CAIDSOTG misikop sa usa ka 52-anyos nga lalaki duol sa usa ka simbahan ug sa MM’s Dormitory sa barangay Lahug.
Ang dinakpan naila nga si Andrew Tad-y, 50, minyo ug nagpuyo sa Remedios Compound, Archbishop Reyes Avenue, Lahug.
Nakuha sa kapolisan gikan sa dinakpan ang drugas nga mokantidad sa P50,000.
Matud ni Sr. Insp. Eunil Avergonzalo, hepe sa CAIDSOTG, nga kasagaran nga mga kostumer ni Tad-y mga construction workers ug mga nagtrabaho sa call center.
Samtang ang CIB misikop sab sa usa ka Allan Manal, 56, minyo nga taga sitio Lower Lumar, barangay Lorega.
Usa ka buy-bust operation ang gihimo nga miresulta sa pagkasikop sa suspek nga nibaligya og drugas balor og P10,000.
Dugang upat ka dagkung bulto sa drugas ang nakuha sa kapolisan nga nagkantidad og P250,000. (Jojo C. Ugdol/GMR)(BANAT NEWS)
- Latest
