Wala’y piyansa sa suspek sa lugos, tulis

CEBU, Philippines - Kasong pagpanulis ug pagpanglugos ang gipasaka batok sa duha ka lalaki nga giingong nang-holdup ug nanglugos sa 21-anyos nga babaye atubangan sa iyang uyab sa lungsod sa San Fernando.

Si Piskal Al Rey Ouano ang nipasaka sa kaso batok nilang Arnel Deca, 29 ug Kevin Cabrera, 23 ngadto sa korte human ang   duha nipili nga sa korte na lang nila atubangon ang pasangil.

Si Ouano nirekomendar og P100,000 nga piyansa sa  kasong robbery apan wala’y piyansa sa kasong pagpanglugos.

Si Deca ug Cabrera nadakpan sa kapolisan human misumbong ang mga biktima kabahin sa ilang gidangatan niadtong Domingo sa alas 3 sa kadlawon sa barangay Pitalo sa maong lungsod.

Matud sa kapolisan nga tulo ang suspek apan wala pa mailhi ang usa.

Si Deca ug Cabrera positibong giila sa mga biktima. (BANAT NEWS)