Mitulis ug mipatay sa kainom nadakpan
CEBU, Philippines - Mga tulisan nga midunggab-patay sa ilang 45-anyos nga kainom didto sa Barangay North Poblacion, Naga City adtong Sabado nasikop sa kapulisan sa hot pursuit operation sa miaging adlaw.
Si Noel Fernandez, 19, taga Barangay Poblacion Ward 1, Minglanilla, nasikop kini sa iyang pinuy-anan pasado alas 2:00 sa hapon. Nakuha gikan niini ang Suzuki Nexus motorcycle nga walay plate number, flat screen television, ug laptop nga iya sa biktima nga si Dionisio “Junjun†Yabut.
Wala na makasukol sa kapulisan si Fernandez sa dihang gisikop kini.
Pipila ka oras ang nakalabay, mitahan na usab sa iyang kaugalingon si Steven Villaganas, 20, taga Barangay Pakigne, Minglanilla, ngadto sa kapulisan sa Naga City.
Ang duha anaa na karon sa karsel sa Naga City Police Station ug pasakaan kini og kasong robbery with homicide. Si Yabut nakit-an na lang nga wala nay kinabuhi sulod sa iyang kwarto ug dunay samad dinunggaban sa lawas. Kataposan kining nakit-ang buhi nga nakig-inom uban sa mga suspek nga gihatud sa duha diha sa balay niini.
Apan dunay nakakita kang Fernandez human kini daling mibiya sa lugar nga miresulta sa pagkasikop niini. (/EIM)(BANAT NEWS)
- Latest
