Illegal drugs ang motibo sa pagpatay

CEBU, Philippines - Illegal drugs ang gidudahang motibo sa pagpusil patay sa usa ka lalaki diha sa Sitio Abuno, Barangay Pajac dakbayan sa Lapu-Lapu sa milabay’ng hapon.

Ang biktima giila nga si Ariel Taghoy Alegres, 47,  residente sa maong dapit kinsa nakaangkon og samad pinusilan sa iyang liog, nawong ug walang bahin sa lawas ug patay na pag-abot sa Mactan Doctors Hospital.

Sa pasiunang imbestigasyon ni PO2 Jerson Alparito samtang nag-estoryahanay si Alegres sa iyang pag-umangkon sa gawas sa ilang panimalay dihay miabot nga motorsiklo ug ang angkas kalit nga mipusil sa biktima.

Nakuha sa nahitaboan ang usa ka slug ug duha ka basiyo sa bala nga kalibre .45 nga posibleng maoy gigamit sa pagpamusil. Nasuta usab nga dunay tulo ka paketeng gituohang shabu ug drug paraphernalia sa bulsa sa biktima. Gisubay karon kung may kalambigitan sa ilegal nga drugas ang maong pagpatay. (BANAT NEWS)