VM Solante nasagmuyo sa NHA

CEBU, Philippines - Wala makaangay si Tudela Vice Mayor Greman ‘Jojo’ Solante human gibalita nga ang National Housing Authority 7 migahin og P250,000 kada pamilya nga naapektohan sa bagyong Yolanda sa mainland Cebu apan P2, 500  lang sa mga isla sa Bantayan ug Camotes.

“Ang P2,500 against P250,000 lisod kaayo na sabton sa mga tawo, and it would be unfair para sa mga affected families sa Camotes and Bantayan, nga ingon ana ilang treatment,” matud niya.

Dugang ni Solante nga wala man sab nila giimbitar ang bagyo nga mokuso-kuso sa ilang lugar aron makadawat og mga hinabang.

Saysay niya nga aduna na sila’y mga lakang nga gihimo aron ma-reconsider ang ilang habig.

“Ang akong nahibaw-an, ang president sa League of Municipal Mayors, si Mayor Diamante, sila, ang liga, ang naghimo na og representation to NHA nga i-consider ang Camotes Island ug Bantayan Island nga pulos lang covered with tax declaration kay unsa man ang kalainan. Although, we understand nga ang tax dec (declaration) is approved of position only, while ang title is approved of ownership,” matud niya.

Samtang, gipadayon na nila ang ilang bag-ong teknolohiya pagtukod sa mga panimalay sa mga nabiktima sa bagyo.

Tukuran og dul-an 200 ka panimalay gamit ang ‘Interlocking Condensed Earth Block’ nga makasukol og bagyo ug linog.  (BANAT NEWS)