DSWD ug BFAR motabang sa biktima sa bagyo
CEBU, Philippines - Gipahibalo sa kadagkoan sa Bureau of Fisheries and Aquatic Resources (BFAR) ug Department of Social Welfare and Development (DSWD) nga ang ilang ahensya moabag sa mga biktima sa bagyo’ng Yolanda pinaagi sa paghatag kanila og panginabuhian.
Si BFAR-7 regional director Andres Bojos mipasabot nga ang ilang ahensya mohatag og mga pumpboat ngadto sa mga apektado nga pamilya apan ang mga panday nga mohimo sa pumpboats sweldohan sa DSWD.
Ang pagsweldo sa DSWD ngadto sa mga mopanday sa pumpboat kabahin kini sa gitawag og “cash for work program†sa ilang ahensya nga gitumong aron pagtabang nga makabangon ang mga nabiktima sa bagyo didto sa amihanang Sugbo.
Matud ni Bojos nga dako kaayo kini og ikatabang sa kalampusan sa “build a boat project†sa BFAR alang sa mga mananagat nga grabe’ng naapektahan sa bagyo.
Gibana-bana nga lima ka libo ka pumpboats ang ilang ipanghatag ngadto sa mga mananagat nga makabenepisyo niini nga programa. Si Jenny Abastilla, ang DSWD-7 focal person sa Disaster Risk Reduction and Management mikonpirmar nga ang ilang buhatan nakig-alayon sa BFAR sa naasoy nga programa.
Apan gitataw ni Abastilla nga ang sweldo sa mga mopanday sa pumpboats sa BFAR-7 nga katumbas sa minimum nga suholan nga gilatid sa Department of Labor adto ipaagi sa Local Government Units kay mao man kini ang gilatid sa lagda. (BANAT NEWS)
- Latest