Mga bukog sa sam-ang sa Lorega ipaugkat sa mayor

CEBU, Philippines - Si Mayor Michael Rama miawhag sa kabanayan sa mga gipanglubong sa karaang sam-ang sa Lorega-San Miguel nga dalion kini sa paghabwa tungod kay ang dapit hawanan na sa dakbayan.

Si Eli Espina sa Public Information Office (PIO) sa City Hall mibutyag nga kadtong mga bukog nga magpabiling dili mahabwa hangtud sa Marso 30 ang mga kawani sa dakbayan ang mokuha niini ug iponon sa pagbutang og dakung kahon.

Ang kadaghanan sa kabalayan nga nasunog sa dapit nga gitawag og Sitio Kamansi ug Lawis, sakop sa Barangay Lorega-San Miguel, nahimutang sa karaang “menteryo municipal.”

Lapad kaayo ang karaang menteryo apan anam-anam lang kini nga nahanaw kay ang sam-ang giugbokan og kabalayan nga nalakip sa sunog.

Si Mayor Rama miinsistir g’yud nga mugnaon ang lapad nga karsada nga molagbas sa dapit nga nasunogan.  (BANAT NEWS)