2 ka Cebuano ni top sa Bar exam
CEBU, Philippines - Duha ka tinun-an sa Sugbo ang nasulod sa top ten sa 2013 Bar Examinations human gipagawas ang resulta niini kagahapon.
Sila si Tercel Maria Mercado-Gephart sa University of San Carlos (USC) nakakuha og 83.90 percent mao ang ikalima sa top ten samtang si Manuel Elijah Sarausad sa University of Cebu (UC) mao ang nakakuha sa ika unom nga puwesto sa puntos nga 83.80 percent.
Si Gephart, 28, minyo dunay usa ka anak, wa makatuong nakapasar siya dihang gi-congratulate siya sa iyang amahan. Hinuon gibutyag niyang kaniadto pa siya nag-ampo nga makapasar ug maapil sa top ten bisan wala siya mogradwar nga with honors kay nasayod siyang daghang oportunidad sa mga abogadong masulod sa top ten.
Samtang si Sarausad, 28, minyo dunay duha ka anak nagpasalamat sa kalampusan nga iyang nakuha. Gawas sa pagtudlo gusto niyang mo- practice sa iyang profession.
Si Atty. Baldomero Estenzo, dean of the College of Law sa UC mitug-an sa Banat News nga si Atty. Augusto Go gusto mohatag og awto kang Sarausad.
Samtang usa sa mga tinun-an sa University of the Visayas Law School nga si Habeas Corpuz mibutyag sa Banat News nga natinuod gyud ang damgo sa ilang pamilya nga dunay mamahimong abogado sa ila.
Si Corpuz, 25, kansang pangalan talagsaon ug sa mga dinagkong kaso lang makita mitug-an nga ang iyang amahang sakop sa Philippine Air Force maoy mipangalan niini kaniya.
Matud pa niya nga sigeng magbansiwag sa mga pamantalaan ug mga balita ang pulong nga “Habeas Corpus†sa mga kaso sa mga political detainees ug sa dihang gipanganak siya way laing nahunahunaan iyang papa nga ipangalan kaniya kondili “Habeas.â€
Sukad sa first year pa siya sa law school magsige na siya og review bisan lawom na ang gabii aron mamahimo lang gyung abogado, sakripisyo nga nagbunga sa 2013 Bar Examinations. (BANAT NEWS)
- Latest
