Empleyado gidakop tungod sa nahanaw nga P1.1milyon

CEBU, Philippines - Nasikop pinaaagi sa citizen’s arrest ang usa ka accounting staff tungod sa  wala ma-liquidate nga P1.1 milyon nga kita sa usa ka construction company sa barangay Guadalupe sa dakbayan sa Sugbo sa miaging adlaw.

Ang gidakop mao si Pearl Gamilla, 25, lumad taga Labason, Zamboanga del Norte.

Si Maria Liza Lamoste, accounting manager sa maong construction company mismo mi-report sa Theft and Robbery Section sa Cebu City Police Office.  Si Lamoste usab mao ang misikop kang Gamilla.

Giandam pa sa kapolisan ang tukmang kaso nga ipasaka batok sa suspetsado. (BANAT NEWS)