^

Opisyal sa airport nalipay

Bryner L. Diaz (The Philippine Star) - December 7, 2013 - 12:00am

CEBU, Philippines - Dakong kalipay sa Officer in charge sa Bantayan Airport nga si Joselito Seville ang pagbisita sa Presidente sa Myanmar Thein Sien sa maong airport kagahapon sa buntag.

Matud pa ni Seville nga eksklusibong nahinabi sa Banat News nga sulod sa kapin sa unom ka tuig niya nga nahimong OIC sa maong paluparan karon pa lang gyud nahitabo nga dunay mibisita nga pangulo sa laing nasud.

Nanghinaot si Seville nga  sa pagbisita ni Presidente Sien sa Sta. Fe airport mahisgotan usab unta kun unsay angay palamboon sa maong tugpahanan.

Matud pa ni Seville nga ubos sa triple agreement ang maong airport nga  naglangkob   sa kagamhanan sa lalawigan sa Sugbo, Mactan Cebu International Airport ug Civil Aviation Authority of the Philippines. Si Seville miingon nga ang maong airport usa ka community airport ug gagmay lang nga mga eroplano ang makatugpa niini.

Sagad sa motugpa sa maong airport ang mga 6-seaters nga mga CESNA nga eroplano, helicopter ug mga 10-seaters nga mga Baron nga eroplano. Matud ni Seville nga nakalanding ug nakalupad sa maong airport ang usa ka DC3 nga eroplano nga gigamit sa World War II apan gigamit kini nga hakotanan sa mga baboy niadtong tuig 2005 ug 2007.

Ang maong airport sumala pa ni Seville nga nagamit usab sa Asian Spirit ug Mid-Sea Explorer apan naundang ra usab kini.

Karon gigamit na lang kini nga tugpahanan sa mga eroplano sa mga flying schools apan kaya niini nga makapatugpa og 50 seater nga eroplano. Gawas ni Presidente Sien bugtong ang kanhi kalihim nga  si Gibo Teodoro lamang ang dakong opisyal sa gobyerno nga mibisita sa maong airport. (BANAT NEWS)

AIRPORT ASIAN SPIRIT BANAT NEWS BANTAYAN AIRPORT CIVIL AVIATION AUTHORITY OF THE PHILIPPINES MAONG MATUD PRESIDENTE SIEN
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with