^

Banat Balita

Mga sakop sa 4Ps sa Lapulapu gipamolitika?

Bong Soriano - Banat

CEBU, Philippines - Nabalaka si kanhi Lapulapu City konsehal Junard "Ahong" Chan nga gamiton nga pamolitika ang Programang Pantawid Pamilyang Pilipino Program (4Ps) sa ubang  mga politiko  sa barangay.  

Kini  human  panguhaa  sa lokal nga kagamhanan ang mga ID's sa mga membro niini sa mga kabarangayan sa dakbayan sa Lapulapu.

Mipadayag niini  si Chan atol sa usa ka press conference  kagahapon sa buntag.

Matud pa ni Chan  nga  daghan sa mga membro sa 4Ps sa Brgy. Pajo ang midangop kaniya ug mireklamo nga gipanguha ang ilang mga Pantawid IDs aron subli kining ma-"evaluate" sa kagamhanan sa Lapulapu.

Base sa maong reklamo ang pagkuha sa maong mga ID giingong mando  gikan sa LGU  busa  naproblema kini kung mahibalik pa ba kaha kanila ang maong mga IDs.

Apan si Mayor Radaza sa iyang bahin hugot nga mipanghimakak sa maong  mga  estorya  ug  hugot  nga  mipanghimakak  sa pasangil  nga  siya  maoy  mimando sa pagpanguha sa maong mga Pantawid IDs.

Matud pa ni Mayor Radaza walay hurisdiksiyon ang lokal nga kagamhanan sa 4Ps kay iya kini sa nasudnon   nga kagamhanan ug wala sila’y kontrol sa maong programa sa gobiyerno.

Hinuon igo lamang mopamatuod ang LGU sa mga benepisyaryo niini nga sila mga kabus sa mga barangay nga ilang gigikanan.

Samtang usa sa sakop sa City Link incharge sa 4Ps nga ubos sa DSWD kinsa  wala magpaila  sa ngalan  mihimakak nga ilang gipanguha ang mga IDs sa mga membro sa Pantawid. Sa samang  higayon   mihimakak usab nga adunay mando gikan ni Mayor Radaza   sa  pagkolekta sa mga  ID  sa 4Ps.

Matud pa ni Mayor Radaza iyang ipatawag ang nagdumala sa Pantawid program sa gobiyerno aron masayran kung unsa ka tinuod  ang maong mga aligasyon.  (BANAT NEWS)

CITY LINK

LAPULAPU CITY

MAONG

MATUD

MAYOR RADAZA

PANTAWID

PROGRAMANG PANTAWID PAMILYANG PILIPINO PROGRAM

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with